Floriani ishte vetëm 4 vjeç, kur i vranë babain, por ai u rrit duke mbajtur brenda vetes qëllimin e marrjes së hakut për vrasjen e tij, derisa në janarin e këtij viti kreu aktin e rëndë.
Prokuroria e Lezhës ka kërkuar dënimin me 8 vite burg për 17-vjeçarin Florian Përvathi, i cili në muajin janar të këtij viti vrau për gjakmarrje bashkëfshatarin e tij Lek Lekgjonaj.
Konkluzionet përfundimtare në lidhje me këtë çështje janë dhënë nga prokurori Sabri Kastrati, për akuzat “Vrasje për gjakmarrje” dhe “Mbajtja pa leje mbajtja pa leje e armeve dhe municioneve luftarak”.
Kujtojmë se ngjarja ndodhi më 24 janar, në oborrin e një banese në fshatin Manati, ku Lek Lekgjonaj, 65-vjeç, është vrarë me armë zjarri nga Florian Përvathi, 17 vjeç.
Pas krimit, adoleshenti është vetëdorëzuar në polici, ku sipas burimeve policore, ka thënë se vrasjen e ka kryer për të marrë hak për të atin, i cili i është vrarë rreth 12 vite më parë.
Vëllai i viktimës ka vrarë me armë zjarri babanë e autorit në vitin 2009.
