Një mjek nuk e njollos një spital, e aq ma pak një sistem ndyresirë si ky i joni!
Një mjek, që nuk merr lekë, në fakt, asht ‘delja e zezë’ në këtë sistem monstruoz dhe denigrues shëndetësor, që asht instalue në Shqipni!
Unë besoj se ai djalë do të dijë ta ‘lajë’ veten para maskaradës së xhandarmërisë shtetnore që iu lëshue në mes të ditës, në mes të pavionit, mas nji provokimi absurd!
Show mjeran që na u servir eskluzivisht nëpër ekranet që shpejt do bahen show i radhës nga sulmi i xhandarmërisë se kryeminitrit tuj, dëshmoi se ai mjeku asht ‘delja e zezë’ e atij spitali ngrehinë!
Edhe fëmija 5 vjeç e din se ç’maskaradë ka prodhue sistemi shëndetësor në ktë vend që nis prej nga ilaçet të gjitha të skadueme e po aq të damshme për njerëzit, deri te mijëra euro që hidhen nëpër sheikët e spitaleve tona!
Pa hy tek tenderat e spitaleve e tek kryevjedhja-vrasje kovidi!
Unë gjithnjë kam besue që mjekët e ndershëm, në këtë sistem monstruoz do të jenë të rrezikuem në çdo sekond të punës së tyne, siç asht i rrezikuem çdo njeri i ndershëm i ktij vendi, në çdo sektor, e në çdo komunitet!
Pra, ktu vjedhja, abuzimi dhe korrupsioni janë etiketë nëse ti do me mbetë gjallë, në të kundërt do arrestohesh se prish biografinë e tufës!
Mirë që pergojohesh, mirë që konsiderohesh i pazoti me kanë si shumica, po një ditë të bukur të mrrinë xhandarmëria e Ramës dhe të fut në vathën e hajdutëve!
Ti s’mund të jesh perjashtim! Këtu s’mund të jesh i ndershëm!
Të gjithë jena përballë me ushtri hajnash nëpër spitale, që nga rojet e deri te shefa pavionesh e mjekë me emën! Ashtu siç jena përballë edhe me mjekë që na kane lanë me gojë hapun e të shastisun si nga sjellja, profesionalizmi e deri tek mospranimi me u ul as për një kafe!
Duke qenë se halli i kujtdo që shkon aty asht ma i madh se sa lekët, shqiptarët nuk e diskutojnë vlerën e tyne para vlerës së jetës!
Ndaj janë ba bashkëfajtor me pahir!
Mungesa e një institucioni dalëzotas në këtë vend na ka ba të jena të vetëviktimizuem përballë maskaradës së spitaleve, farmacive, sistemit në tërësi!
Gjithmonë e kam pas bindje se në spitalet tona, nëse të bie halli, që kujtdo i ka ra, të duhet në një dorë kallashnikovi e në tjetrën valixhja e parave!
Në të kundërt ose vdes kadalë ose shpejt si me rastin e kovidit!
Shqiptarët kto dy vite kanë msue e psue shumëçka nëpër spitale e asnjë s’guxon me hap za, as ata që kane mujt me i nxjerr njerzit e tyne fshehtas nga gërmadhat e spitaleve kovid!
Sigurisht se ktu nuk ke ku flet! Ktu njerëzit janë të bindun se nëse flet vritesh, ashtu siç janë të bindun se rruga e vetme me i ba shërbimin robit tand të sëmurë janë paratë e shumta se në spital nuk gjen dot as age e fasho, jo ma me i ba shërbimet që i nevojiten një pacienti!
Rasti i mësymjes së xhandarmërisë së Ramës në spitalin Ushtarak ishte mesazh!
Ashtu siç ai di me çue mesazh që ditën që ka marre pushtetin kur urdhëroi hedhjen në ere të shtëpisë së një familjeje me emën!
Prej 9 vjetesh ai nuk ka ba asnjë punë tjetër veç mesazheve fikse dhe të mirë orkestrueme në çdo sektor, punë e njeri që nuk asht mrena llojit të tij!
Dhe ajo që i ndodhi mjekut në spitalin Ushtarak mundet me i ndodh kujtdo në këtë vend! Këtë mos e harroni-vetëm hajnat, abuzuesit dhe të korruptuemit kanë imunitet në këtë vend!
