Shumica e popullsisë sonë ka turp nga duart me kallo…
Me këto duar, të cilat punojnë çdo ditë dhe çdo natë, në mot të mirë dhe të keq, përballë erës dhe shiut, mbi tokë dhe nëntokë, duke prekur dhe duke mbajtur gjithçka, duke u bërë pis dhe duke marrë mbi to kallot e dhimbshme, si dekorata të heshtura të kryeveprave të tyre, mbahet në fakt jo vetëm shoqëria jonë.
Dhe në paradoks me fatin e saj, këto duar, shoqëria jonë e ka për turp t’i zbulojë dhe t’i inkurajojë me të gjithë potencialin e saj në jetën tonë sociale, ekonomike dhe urbane….
Por përse ndodh kjo?
Dy nëna, që nuk ishin takuar prej vitesh, po bisedonin se çfarë duhet të bënin djemtë e tyre pas shkollës…
“Unë jam shumë e turpëruar dhe shpresoj se nuk do ta marrë njeri vesh, se djali im po bën një kurs për murator”,- po tregonte njëra prej grave.
O Zot, a nuk jeni duke kryer një mëkat, a nuk është edhe muratori një profesion i nderuar? Të gjithë duhet të studiojnë në fakultet dhe vetëm këta me fakultet janë të vlefshëm? A keni menduar, se po i bëni presion fëmijës tuaj, sepse edhe ju vetë jeni tunduar nga kjo shoqëri e fiksuar pas diplomave, titujve, doktorraturave?
Ku shkruhet kjo”, – iu përgjigj shoqja e saj e vjetër.
Fëmijtë kanë një jetë më të mirë nesë janë më të lumtur dhe më të kënaqur se ne, dhe këtu nuk bëhet fjalë vetëm për karrierë…
Fëmijtë kanë nevojë që të mësojnë gjëra më të rëndësishme në jetë; të jesh aty ku është problemi, të kesh ambicie, të dish si ndërtohet, si ndërveprohet, si ndihmohet dhe si respektohet brenda vetë qelizës, e cila përbën embrionin e zhvillimit të punës dhe të shoqërisë njerëzore. Ata nuk kanë nevojë te shpikin atomin, por të kuptojnë si lëviz, si zbërthehet, si lidhet dhe si forcohet ai në labotatorin fantastik të jetës reale.
Pedagogjia e përkëdheljes së fëmijëve, ka treguar se ne i kemi dëmtuar ata, duke ju diktuar atyre çfarë dëshirojmë ne dhe duke i nxjerrë si përfundim në një treg inekzistent, ku për ironi të fatit, përkëdhelia, servilizmi, paaftësia dhe inkoherenca janë tipare të spikatura të karrierës dhe karrierizmit.
Zejtaria është një hapësirë e nderuar dhe krenare, të cilën mund t’ia rekomandojmë me dashamirësi çdo të riu. Rezultatin e performancës së mrekullueshme mund t’a shohim shumë shpejt, duke i patur çdo mbrëmje fëimijtë tanë këtu, duke festuar dhe argëtuar bashkë me ta, dhe natyrisht duke patur më shumë ekonomi dhe fuqi sëbashku me ta.
Ajo çfarë ka rëndësi për ne janë mjeshtrit e vërtetë të ekonomisë, duarartit që prekin dhe rregullojnë gjithçka që ju sheh syri. Ata janë edhe sfida jonë përballë trendit të braktisjes, përballë dipllomave apo doktorraturave, përballë diellit, shiut, vështirësive, punës orar pa orar dhe lëvizjes 24 orë, lart e poshtë, në çdo fshat dhe qytet të vendit. Ata janë edhe argëtimi ynë, me një kafe apo raki pas punës, siç e ka patur tradita jonë unikale. Këto janë vlerat tona, të cilat mund të bëjnë shumë mrekulli…
Lëreni mesazhin të endet, të endet dhe te lexohet, që të shpresojmë për një reflektim të shëndoshë në shoqërinë tonë të vuajtur, të çoroditur dhe të pashpresë…
