Dy vëllezër janë arrestuar në Mallakastër, mbasi kishin kultivuar canabis sativa në tokën e tyre.
Shërbimet e Komisariatit të Policisë Mallakastër, në bazë edhe të informacioneve të marra në rrugë operative, kanë ushtruar kontroll të imtësishëm në banesat e shtetasve Ramadan Hoxhaj dhe Shkëlqim Hoxhaj.
Në oborrin e banesës së shtetasit Shkëlqim Hoxhaj, shërbimet e Policisë gjetën të kultivuara bimë të dyshuara narkotike cannabis sativa, të cilat u asgjësuan me anë të djegies.
Gjithashtu, gjatë kontrollit në banesën e tij u gjetën rreth 2.8 kg lëndë e dyshuar narkotike cannabis sativa, në proces tharjeje.
Si rezultat i veprimeve të koordinuara policore, në kuadër të operacionit “Tentativa”, në tentativë për t’u larguar, u bë e mundur kapja dhe arrestimi i shtetasit që iu gjetën bimët e kultivuara dhe lënda narkotike në banesë, Shkëlqim Hoxha, 53 vjeç, banues në Drenovë, Mallakastër.
Në vijim të kontrolleve, u kap dhe u arrestua në flagrancë, duke ujitur bimët narkotike të kultivuara në tokën e tij, shtetasi Ramadan Hoxhaj, 51 vjeç.
Materialet procedurale i kaluan Prokurorisë pranë Gjykatës së Shkallës së Parë Fier, për veprime të mëtejshme.
