Personalisht kam besuar e vazhdoj se e keqja e vërtetë vendit tonë i ka ardhë e i vjen vetëm nga politika e politikanët !
Janë politikanët që e kanë shkatërruar sistematikisht besimin, qytetet, pyjet, lumenjtë … mjekësinë, arsimin, drejtësinë në ketë vend, por asnjëherë nuk kam parë POPULL të irrituar ndaj tyre, përkundrazi kam parë shpesh POPULL të përkulur që ju puth duart e këmbët delenxhinjve.
Më kryesorja unë nuk kam parë kurrë publikisht pranga në duart e politikanëve hajdutër.
Mediat përcjellin me tam-tame arrestimet e linçimet e mjekëve duke investuar një klimë përçarëse, armiqësie e shpërbërëse në mardhëniet mjek-pacient.
Qeveria është e angazhuar në mënyrë konstante në një qasje të pamoralshme, skandaloze, denigruese e madje përçmuese ndaj bluzave të bardha!
Rezultati është katastrofik, po shpeshtohen e po thellohen ngjarjet e agresivitetit kundër mjekëve duke nxitur çdo ditë mjekët të ikin prej vendit duke ulur në nivele afrikane numrin e mjekëve për banorë.
Arrestimi i një mjeku për një 20 mijë lekë është i njëjtë me arrestimet e kryefamiljarëve për një faturë dritash ndërkohë që politikanët po zhvasin miliarda çdo ditë pa ju hyrë gjemb në këmbë!
