Trupat e 71 emigrantëve janë gjetur pasi varka me të cilën po udhëtonin u mbyt në brigjet e Sirisë. Lajmi u bë i ditur nga ministri i shëndetësisë së Sirisë.
BBC shkruan se njëzet të mbijetuar po trajtohen në një spital në qytetin sirian të Tartus.
Zyrtarët thanë se shtetas libanezë, sirianë dhe palestinezë, përfshirë gra dhe fëmijë, besohet të jenë në mesin e 120-150 personave që ishin në bord kur varka u fundos të enjten.
Zyrtarët shtuan se anija ishte nisur nga Minyeh, një qytet pranë qytetit port libanez të Tripolit. Varka besohet se ishte nisur drejt Evropës kur u fundos. Tartus, ku janë transportuar të mbijetuarit, është rreth 30 milje (50 km) në veri të Tripolit.
Sakaq, enden nuk dihet se çfarë e shkaktoi aksidentin, ndërsa vazhdojnë operacionet e kërkim-shpëtimit.
Sipas Komisionerit të Lartë të OKB-së për Refugjatët , Libani pret rreth 1.5 milionë refugjatë sirianë dhe pothuajse 14,000 nga vende të tjera. Ai pret numrin më të madh të refugjatëve për frymë në botë.
Familjet e viktimave mbajnë zi në Tripoli Nga Lina Sinjab në Tripoli, Liban Në një dhomë të vogël të errët në një lagje të varfër, një familje vajton. Mustafa Mesto, 35 vjeç, vdiq me dy vajzat dhe djalin e tij, ndërsa gruaja dhe babai i saj janë ende në gjendje të rëndë në një spital në Siri. Mustafa, ishte një shofer taksie libanez, i martuar me një kurd sirian që kishte ikur nga lufta nga lufta e egër civile e vendit. Një familje që ikën nga shkatërrimi në dy vende. Ata kishin shpresuar të arrinin në Itali, duke ëndërruar për një jetë më të mirë, shkruan BBC.
