Aksidenti ka ndodhur orët e para të mëngjesit të sotëm në autostradën Durrës-Tiranë. Burime nga policia bëjnë me dije se në vendin e quajtur Sukth, shtetasi M.N, duke drejtuar një kamion ka humbur kontrollin dhe për pasojë është përplasur me mbikalimin e këmbësorëve.
Nga përplasja është dëmtuar pasagjeri shtetasi H. D, i cili ndodhet në spital jashtë rrezikut për jetën.
Gjithashtu u shemb edhe mbikalimi i këmbësorëve, por pa shkaktuar dëme në njerëz dhe automjete të tjera.
U devijua trafiku për një periudhë të shkurtër kohore deri në pastrimin e plotë të rrugës.
Aktualisht qarkullimi i automjeteve në autostradë vijon normalisht.
Njoftimi i plotë:
Durrës/Informacion paraprak
Në orët e para të mëngjesit në autostradën Durrës-Tiranë, në vendin e quajtur Sukth, shtetasi M.N, duke drejtuar një kamion ka humbur kontrollin mbi drejtimin e kamionit dhe për pasojë kamioni dhe është përplasur me mbikalimin e këmbësorëve.
Si pasojë e përplasjes është dëmtuar pasagjeri shtetasi H. D, i cili ndodhet në spital jashtë rrezikut për jetën.
Nga përplasja e kamionit me mbikalimin e këmbësorëve është shembur mbikalimi i këmbësorëve, pa shkaktuar dëmë në automjete të tjera.
Shërbimet e Policisë, devijuan lëvizjen deri në pastrimin e plotë të rrugës.
Aktualisht qarkullimi i automjeteve në autostradën Durrës-Tiranë-Durrës, vijon pa probleme.
Grupi hetimor ndodhet në vendngjarje dhe po punon për sqarimin e rrethanave të aksidentit.
