Policia e Sarandës ka arrestuar 45 vjeçarin që kishte punësuar anglezen në shkelje të kodit të punës dhe rregullave të sigurisë teknike.
Janë zbardhur detaje të reja nga mbytja e 29-vjeçares angleze ditën e djeshme në Sarandë. Policia bën me dije se ka arrestuar një 45-vjeçar për veprat penale “Shkelja e rregullave të mbrojtjes në punë”.
Njoftimi i policisë
Nga specialistët për Hetimin e Krimeve në Komisariatin e Policisë Sarandë u arrestua në flagrancë shtetasi S. K., 45 vjeç, banues në Sarandë, për veprat penale “Shkelja e rregullave të mbrojtjes në punë” dhe “Punësimi i paligjshëm”, pasi ditën e djeshme, në vendin e quajtur “Vapori i mbytur”, gjatë ekspeditës së zhytjes, me përgjegjës këtë shtetas, është mbytur shtetasja angleze R. G., 29 vjeçe. Nga verifikimet ka rezultuar se shtetasi S. K. e kishte punësuar në mënyrë të paligjshme instruktoren e zhytjes, në grupin e tij të punës, si dhe nuk ka siguruar kushtet e nevojshme teknike për zhytje.
Materialet i kaluan Prokurorisë së rrethitgjyqësor Sarandë, për veprime të mëtejshme.
