Zelenski futet në Izyumin e çliruar, pritet me lot e përqafime.
Presidenti i Ukrainës, Volodymyr Zelensk, gjatë vizitës së sotme në Izyum në rajonin e Kharkiv u prit me përqafime e lot mallëngjimi nga banorët që gjeti atje.
Ai tha se ishte i tronditur nga ajo që pa në qytet, nga e cila dy ditë më parë ushtria ruse u tërhoq.
– Ajo që po shohim është tronditëse, megjithëse e kemi parë më parë në Buçë, në territoret e para të deokupuara. Ndërtesa të shkatërruara, njerëz të vrarë. Fatkeqësisht, këto ditë janë pjesë e historisë sonë. Është gjithashtu një pjesë e kombit modern rus, ajo që ata bënë këtu, theksoi Zelensky.
Forcat ruse këtë javë çliruan Izyum, një qytet që kishte qenë nën pushtimin rus pothuajse që nga fillimi i pushtimit. Është një qytet i rëndësishëm strategjik në pjesën lindore të Ukrainës, të cilin Moska e përdori si pikë nga e cila dërgonte përforcime në frontin e Donbasit.
Zelensky shtoi se është i bindur se “kriminelët rusë të luftës do të përballen me drejtësinë”.
Të gjithë e kuptojmë që ky është një proces në vazhdim, por jam i sigurt se do të shohim gjykime për të, se gjykata do të bëjë të vetën. Nuk kam asnjë dyshim për këtë, tha Zelenski.
Ai shprehu besimin se të gjitha territoret e pushtuara do t’i kthehen Ukrainës.
“Dëshiroj të dërgoj një mesazh për të gjithë njerëzit tanë që, për fat të keq, janë ende nën okupim, përfshirë popullin e Krimesë. Ne e dimë se njerëzit tanë atje, që është një tragjedi e madhe, janë nën okupim për më shumë se tetë vjet. Ne do të kthehemi në Krime. Nuk e di saktësisht se kur, por ne kemi plane, theksoi Zelenski.
