Akuzat se Partia Demokratike ka pranuar financime nga Rusia në vitin 2017 ndezi një debat të ashpër mes deputetit socialist Pandeli Majko dhe demokratit Enkelejd Alibeaj në seancën e sotme parlamentare.
Deputeti wocialist, Pandeli Majko kërkoi që Partia Demokratike të japë llogari për financimin rus prej 500 mijë dollarësh.
Majko u shpreh:
“Drejtuesit e Partisë Demokratike si ata që ja në me zyra, si ata që janë pa zyra, e dinë shumë mirë që është emëtuar lajmi i konfirmuar nga administrata amerikane, se Partia Demokratike ka marrë 500 mijë dollarë nga fondet ruse. Kjo histori nuk ka për t’u mbyllur kaq thjeshtë.
Ne po flasim për fondet IPA, përpara se t’i kërkoni llogari Beqës sonë, kërkojini llogari Beqës suaj. Nuk është një faj individual, është një akuzë e konirmuar nga administrata amerikane. Dilni këtu dhe jepni llogari, ky është vetëm fillimi”, theksoi Majko.
Prit dhe pak, tha Alibeaj, se gjithçka do sqarohet.
Menjëherë ndërhyri Enkelejd Alibeaj, i cili tha se Pandit I qenka rregulluar goja.
“Më në fund Pandit i qenka shëruar goja se për çështje delikate, i vetmi që nuk duhet të fliste nuk duhet të ishe ti, se e di një gjë që është një makinacion që mungon sot, po si i vjetër në politikë, së paku prit dhe ca orë se do të përgënjeshtrohet, dhe shko prap të dentisti”, tha Alibeaj.
