Kështu ka deklaruar ministrja e Turizmit dhe Mjedisit Mirela Kumbaro në emisionin televiziv “E Zone”.
Asnjë mjet i paçertifikuar dhe pa kontratë me bashkitë bregdetare nuk do dali në det, tha ajo.
Ja dhe shënimi i saj në “Facebook”:
Në #EZone 📺 ku nuk bëmë vetëm bilancet e para të sezonit turistik që ende vazhdon 🏖️ por dhamë edhe disa informacione të rëndësishme për sezonin në vitin 2023, punën për të cilin e kemi nisur prej disa ditësh❗❗
🔴Me miratimin e VKM-së për përcaktimin e stacioneve të ankorimit të mjeteve lundruese siç janë motorët e ujit, skafet, pedalonët ⛵🚤 dhe e gjithë gama që përdoret për aktivitet ekonomik turistik, është ngritur grupi i punës dhe po merret me identifikimin e këtyre pikave në çdo bashki bregdetare 🌊
🔴Siç lidhen kontratat për stacionet e plazheve, ashtu do të bëhet edhe aplikimi dhe lidhja e kontratës me subjektet ekonomike që do të menaxhojnë këto stacione të parkimit për turizmin detar.
🔴Po ashtu, operatorët e turizmit detar duhet të pajisen me certifikatë 📃 të posaçme nga Ministria e Turizmit dhe Mjedisit, sepse pa këtë certifikim asnjë operator ekonomik s’do të mundet ta ushtrojë këtë aktivitet ✖️
🔴 Aplikimet për menaxhimin e stacioneve të plazheve, sikundër edhe ato për stacionet e mjeteve lundruese do të nisin brenda vjeshtës së këtij viti.
