Një pasagjere e një kroçere humbi jetën ndërsa vizitonte plazhet në Bahamas pasi u sulmua nga një peshkaqen. 58 vjeçarja nga Pensilvania ishte në një ekskursion pranë Nassaut, kur e gjithë ngjarja ndodhi.
Ata udhëtonin me anijen e lundrimit “The Harmony of the Seas”
Sipas dëshmive, gruaja u sulmua nga një peshkaqen dem. Një ngjarje e ngjashme në këtë zonë ka ndodhur në vitin 2019, ku humbi jetën një 19 vjeçare po nga Amerika.
Megjithatë, autoritetet në Bahamas insistojnë se sulmet nga peshkaqeni janë një gjë shumë e rrallë.
Anëtarët e familjes e panë të gjithë ngjarjen dhe arritën ta nxirrnin me shpejtësi gruan nga uji, por ajo ndërroi jetë në breg për shkak të plagëve të marra.
Sulmet e peshkaqenëve mbeten jashtëzakonisht të rralla. Shanset për t’u sulmuar fatalisht nga krijesa mbeten më pak se 1 në 4 milionë, sipas Dosjes Ndërkombëtare të Sulmit të Peshkaqenit.
Vitin e kaluar, ka pasur 73 raste të konfirmuara të sulmeve të paprovokuara të peshkaqenëve në mbarë botën, duke përfshirë 47 në Shtetet e Bashkuara, e cila ka kafshimet e paprovokuara më të dokumentuara në botë, sipas Dosjes Shark Attack.
