Kreu i PD-së Sali Berisha nga foltorja e Kuvendit bëri akuza të forta në drejtim të qeverisë.
Berisha tha se në Shqipëri ka dopio krizë.
“Cila është kjo veti që socialistët i shumëzojnë, i shumojnë në mënyrë të rrufeshme të varfrit. Dy janë arsyet; hipokrizia dhe demagogjia e tyre. hajnia e për përmbajtur e tyre. Nuk po ndalem në hipokrizi dhe demagogji se u dëgjuan shqiptarët sot. Asnjë prej jush s’mund të takohoi një zgjedhës, një infermiere apo mësues. S’mund t’i dilni para se jeni të ngujuar në këtë sallë. Flisni si në filma. Nuk ka shqiptarë që ju nuk e neverit në këtë cinizëm të thellë që dëshmojnë ndaj tyre. Flitet për krizë dhe ka një krizë s’mund të mohohet. Po në Shqipëri ka një dopio krizë, pasi në Shqipëri si në asnjë vend tjetër, përveç spekulimit të spekulantëve, kryespekulant është qeveria që vjedh qytetarët. Nuk ka qytetarë në Europë të vjedhur si shqiptarët, që janë të rrallë në botë. Kaluan një periudhë të vështirë me dy-trefishim të produkteve bazë ushqimore me naftën në stratosferë. Përveç ndonjë hoteli të ndonjë deputeti. Si në asnjë vend tjetër, nafta ulet në bursë, rritet nga bordet komuniste. Vjedhjet që bëni me punët publike, duke ndërtuar rrugë me çmim 8 herë më të lartë se standardi europian. Shko pak zonjë kontrollo rrugën Quks-Qafë Plloç se çka ka ndodhur?! 17 metra disniveli. Nga vjedhja, vjedhja, vjedhja dhe më pas ti marrim 15 mln euro taksapaguesve. Po kjo nuk është gjë hiç, është thërrime. Mblidhi këtu në vend që ta përmbysni këtë akt cinik që i jep 3 mln shqiptarëve gjithsej 50 mln euro ndihmë, është tallje. Kosova që është me një GDP më të ultë se ne, një vend me histori të shkurtër pavarësia në këtë akt që dërgoi në Kuvend përcaktoi 100 euro për çdo pensionist.”, tha Berisha.
