Tërheq vëmendjen Bashkia e Shkodrës, e cila nën drejtimin e kryebashkiakut Bardh Spahia është kthyer në qendrën e aktiviteteve kulturore, sportive, evidentimin e traditës, arteve dhe rutinës administrative të shërbimeve, por pa harruar betejën me një mori zjarresh që përfshinë Shkodrën këtë verë.
Aktiviteti i radhës ka qenë “Triathlon Labeat”, i mbajtur në Shirokë, ku kryebashkiaku Spahia ka qenë nxitës dhe i pranishëm.
Kryetari i Bashkisë, Spahia e ka përcjellë aktivitetin në “Facebook”.
Për më tepër postimi i tij:
Promovim i traditës së bukur sportive që Shkodra e ka, i turizmit liqenor që ujrat e liqenit dhe zonat turistike Shirokë – Zogaj ta ofrojnë si asnjë tjetër, por edhe promovimi i sportit për një jetë të shëndetshme.
Të gjitha këto bëhen bashkë përmes një aktiviteti që prej 10 vitesh bashkon shqiptar e të huaj të të gjitha moshave në “Triathlon Labeat”. Ku ka më bukur sesa të shohësh këtë vrull dhe energji pozitive që shpërndahet prej Shkodrës.
Mbështetje dhe masivizim i nismave që ndërtojnë të tilla modele, do të jenë prioriteti absolut i yni.
