Problemet e shqiptarëve në Greqi qëndrojnë për më shumë se tre dekada, duke filluar nga proçesi i legalizimit të lejeve të qëndrimit, njohja e pensioneve të pjesëshme etj.
Por, po t’i hedhim një sy vizitave zyrtare midis dy vendeve do të shohim se për më shumë se 16 vjet asnjë kryeministër apo president shqiptar nuk ka bërë vizitë zyrtare, ndërsa nga ana e shtetit fqinj ka mbi 13 vjet.
Rastësi ?
Si sot, në muajin Shtator 2006 është vizita e fundit zyrtare e ish-kryeministrit Sali Berisha që ka vizituar Greqinë, duke e mbylluar këtë vizitë edhe me një takim me emigrantët në Athinë.
Nga ana tjetër prilli 2009 është vizita e fundit e ish-kryeministrit grek Kostas Karamanli .
Pra janë këto dy vizita që i përkasin të kaluarës. Sot në muajin shtator, pas 16 vitesh asnjë vizitë zyrtare nga kryeministrat apo presidentë shqiptarë, thuaj se Greqia është larg.
Dihet që në Greqi jeton një komunitet i madh me problemet nga më të mëdha, duke filluar nga rinovimi dhe zvarritja e lejeve te qendrimit, nga njohja e pensioneve etj.
Tashmë komuniteti shqiptar në Greqi është integruar më shumë se kurrë. Fëmijët e tyre janë ekselente ne shkollat e këtij vendi. Shumë shqiptarë kanë blerë shtëpia dhe të tjerë kanë hapur bizneset e tyre, por mbi të gjitha ata kanë edhe televizionin e tyre “TRIBUNA”. Mësuesit vullnetarë kanë hapur kurse te gjuhës shqipe, duke bërë atë që nuk e beri shteti tyre, edhe pse qendron nje marrëveshje midis dy vendeve e vitit 2004…
Edhe pse mbiqëndron Ligji i Luftës, midis dy vendeve fqinje, është bërë e mundur të kryhen mbi 76 marrëveshje midis dy vendeve.
