Rrallë kush beson se vampirët kanë ekzistuar realisht dhe shumëkush i mendon si pjellë e fantazive të shekujve të kaluar.
Por ajo u gjend me drapër në qafë për të ndaluar “kthimin” nga vdekja
“Mbetjet e një ‘VAMPIRE’ femër të fiksuar në tokë me një drapër në fyt për të parandaluar kthimin e saj nga të vdekurit janë gjetur në një varrezë të shekullit të XVII-të në Poloni.
Profesor Dariusz Poliński nga Universiteti Nicholas Copernicus drejtoi gërmimin arkeologjik që çoi në zbulimin e mbetjeve, të cilat u gjetën të veshur me një kapak mëndafshi dhe me një dhëmb të dalë përpara” raportoi Daily Mail.
“Drapri nuk ishte i shtrirë, por i vendosur në qafë në atë mënyrë që nëse i ndjeri do të ishte përpjekur të ngrihej, koka do të ishte prerë ose lënduar”, tha Poliński për Daily Mail.
Në shekullin e 11-të, qytetarët e Evropës Lindore raportuan se kishin frikë nga vampirët dhe filluan t’i trajtonin të vdekurit e tyre me rituale kundër vampirëve, sipas revistës Smithsonian, duke besuar se “disa njerëz që vdisnin do të dilnin nga varri si përbindësha që thithin gjak duke terrorizuar të gjallët”.
Nga shekulli i 17-të, praktika të tilla varrimi “u bënë të zakonshme në të gjithë Poloninë në përgjigje të një përhapjes së vampirëve”.
