Donald Trump, në një takim elektoral në Pensilvani, e ka quajtur presidentin Joe Biden armik të shtetit.
Kjo ishte pjesëmarrja e tij e parë në një tubim, që kur FBI kontrolloi rezidencën e tij në Florida ku, si mbas autoriteteve, gjetën dosje të ndjeshme.
Duke folur para mijëra mbështetësve në Wilkes-Barre, Pensilvani, ish-presidenti akuzoi Biden se kishte armatosur FBI-në kundër tij, raporton BBC.
“Bastisja ishte një nga abuzimet më tronditëse të pushtetit nga çdo administratë në historinë amerikane”, tha Trump.
Ai ishte në Pensilvani për të promovuar dy kandidatë republikanë. Dr Mehmet Oz po kandidon për Senatin e SHBA dhe senatori i shtetit Doug Mastriano është në garë për t’u bërë guvernatori i ardhshëm i Pensilvanisë.
Të dy folën vetëm shkurt, si gjithmonë, mitingu i së shtunës mbrëma ishte në të vërtetë për një person: titullarin.
Trump, 76 vjeç, e kaloi pjesën e parë të fjalimit të tij gati dy orësh duke kritikuar kërkimin e FBI-së, por më vonë iu kthye temave të njohura: pretendimet se zgjedhjet e vitit 2020 iu vodhën, sulmet ndaj rivalëve në Partinë Demokratike dhe premtimet “Shpëtoni vendin tonë”.
Disa herë, ai bëri thirrje që njerëzit që merren me drogë të marrin dënimin me vdekje.
