Thellohet dhimbja pas aksidentit të ndodhur në Statale 16 në Viserba ku humbi jetën Simone De Luigi, 18 vjeç, i cili drejtonte një motor skuter 125.
Aksident që ndodhi në zonën e Riminit më 25 gusht.
Pas një jave në agoni në spitalin ‘Bufalini’ të Cesena, humbi betejën edhe Giada Pensierini, 16-vjeçarja që ishte shoqëruese e shokut të saj në motorr.
Varrimi i Simones u bë të shtunën e kaluar, në Sanctuary of Valdragone. Ndërsa të dielën, në orën 15:30, në kishën e San Giuseppe di Gualdicciolo, do të bëhet dhe ceremonia mortore e 16-vjeçares.
Familja autorizoi heqjen e organeve të vajzës të cilat do të dhurohen për të shpëtuar shumë jetë të tjera, u shprehën familjarët.
Ndërkohë, policia rrugore e Riminit, po kryen hetimet për të rindërtuar dinamikën e përplasjes dhe për të zbuluar shkakun e aksidentit.
