Kryebashkiaku i Shkodrës, Bardh Spahia, është bërë pjesë e një aktiviteti të organizuar nga Shërbimi Social Shtetëror, për personat me aftësi të kufizuar.
Spahia shkruan se nuk do të mungoi mbështetja ndaj personave me aftësi të kufizuara.
Ja pronononcimi i tij:
“PAK Art N’pedonale” është një prej nismave të organizuara nga Shërbimi Social Shtetëror që ju bashkova me kënaqësi. Talenti i personave të qendrave të zhvillimit është impresionues dhe punimet e tyre tejet të veçanta e mbushura me mesazhe.
Mbështetja e Bashkisë Shkodër ndaj të tilla aktiviteteve dhe këtyre qendrave do të jetë e vazhdueshme. Puna që bëhet është e madhe, por kurrë e mjaftueshme. Prandaj garantoj në cilësinë e kryetarit të bashkisë, se unë personalisht si dhe stafi i institucionit që drejtoj nuk do të ndalemi së punuari për integrimin e personave me aftësi të kufizuar në të gjitha sferat e jetës.
Fakti, që këtu ishim të gjithë bashkë, tregon një hap pozitiv dhe një kontribut të seicilit prej nesh për integrimin e kësaj kategorie.
