Nën kryetari i
Partisë së Lirisë, Agim Nesho, e ka etiketuar kryeministrin Edi Rama si një ushtar i bindur i Vuçiç.
Nesho në një analizë për “Koha Jonë”, i referohet një shkrimi te BIRN, me autor Fron Nazi, ish drejtor i parë ekzekutiv i fondacionit SOROS për Shqipërinë.
“Llogjikës së hekurt të opozitës shqiptare se Ballkani i Hapur nuk i shërben interesave të shqiptarëve, dhe më gjerë paqes dhe stabilitetit ballkanik, po i bashkohen zëra kritikë të intelektualëve amerikanë dhe më gjerë, duke nënvizuar faktin se ky projekt i shërben vetëm Serbisë dhe interesave të saj për dominim të ri ballkanik.
Analiza e fundit e BIRN, me autor Fron Nazi, ish drejtor i parë ekzekutiv i fondacionit SOROS për Shqipërinë, analizë e qartë dhe e thelluar se çfarë po ndodh në këtë projekt, është analiza e njeriut që ka njohur dhe përkrahur Edi Ramën për tu evidentuar në bordin e fondacionit.
Duket se aventurizmi i tejskajshëm i Ramës dhe mungesa e patriotizmit e kthyer kjo në një lëpirje për mbështetje dhe protagonizëm, e ka nxitur Nazin ta quajë një “USHTAR TË VUÇIÇ” – shkruan Nesho
