Gazetari Artan Hoxha ka folur në “ABC” se ekziston një video ku shihet një grup personash me uniformë speciale të policisë që dyshohet se kanë marrë Martinajn.
Ai tha se hera e fundit që është parë Ervis Martinaj, ka qenë në “trekëndëshin” Tiranë-Fushë Krujë-Durrës.
Hoxha u shpreh se Martianj në mbrëmjen e 9 Gushtit ka shkuar në një banesë të një personi shumë të fuqishëm, duke kërkuar të bënte aleancë me të.
Në këtë banesë papritur kanë shkuar një skuadër me uniforma si të skuadrës speciale të policisë. Në një moment ka shkuar edhe një mesazh në familjen e Ervis Martinaj duke u kërkuar që të bëjnë kujdes së mund të ketë kontrolle në banesë.
Skuadra e kanë marrë Martinaj dhe e kanë transportuar në një vend të sigurt. Për këtë ngjarje thuhet se në botën e krimit ka qarkulluar edhe një video ku shihet një person, por nuk dallohet qartë nëse është në të vërtete Ervis Martinaj.
Në një fragment në këtë video personi që duket në të, thuhet se u ka ofruar 50 milionë euro personave që e kanë rrëmbyer vetëm që të lirohet.
Hoxha tha se skuadra që dyshohet se ka marrë Ervis Martinaj, ka dalë vetëm 5 herë në qarkullim dhe në këto lëvizje goditjet kanë qenë precize.
