Në një bisedë me kompozitorin dhe regjisorin e shquar Osman Mula, biseda erdhi te artistët e shquar të brezit të tij studentor.
Pa asnjë ngurrim, Mula, rendit ndër të parët kompozitorin e shquar Vakthi Sheme.
Spikati që në auditor se kishte një talent të rrallë, u bë herët pjesë e konkurrencës në festivalet e kohës dhe shkëlqeu me disa këngë e kompozime, shprehet mjeshtri Osman Mula.
Ku vinte dorë e vesh Vakthi Sheme ishte i sigurtë suksesi. Këngëtarët viheshin në garë se kush do të interpretonte krijimet e tij.
Ishin disa perla të Vakthiut, por në memorjen e shqiptarëve mbetet kënga e famshme “Bardhësi” ose siç njihet më së shumti, “Topa bore hedhin shokët tanë”.
Vakthiu duhet të mbetej në Tiranë, në mjediset kryesore të artit e skenës, por regjimi i kohës e dërgoi në Mallakastër, ku ai vazhdoi shkëlqimin dhe e ngriti artin në zonën Fier-Patos-Mallakasatër, në elitën e interpretimit shqiptar.
Fatkeqësisht u nda shpejt nga jeta, në kulmin e moshës e të fuqisë krijuese.
Iku- shprehet Mula, në dhjetor të vitit 1990-të, iku kur duhej të mbetej sepse u hoqën barrierat dhe kornizat ideologjike e skematike. Koha e Vakthiut, pentagramit e kompozicionit të tij do të ishte pikërisht liria e krijimit, liria në jetë.
Padyshim, i mbyll kujtimet e tij kompozitori Mula, Vakthi Sheme mbetet në plejadën e kompozitorëve të shquar të skenës e artit shqiptar.
Më shumë për jetën e
Vakthi Sheme (1950- 1990)
Vendlindja Rroskovec,djali i Tofik Shemes, i cili vinte nga Këlcyra e Përmetit në Roskovec të Fierit në vitet 1900, nga shtresë e pasur me prona në zonën e Roskovecit,Vakthi Sheme u lind në Roskovec më 1 prill 1950.
pasi kreu shkollen 7 vjeçare në qytetin e lindjes, filloi shkollën e mesme profesionale në Vlorë, por e la atë shkollë për arsye të pasionit që kishte për violinën dhe muzikën.
Rregjistrohet në shkollën e kulturës ne qytetin e nxënësve.Pasi mbaron me rezultate maksimale shkollën e mesme, kompozitori Agim Prodani i sygjeron të shkojë në Institutin e Lartë të Arteve për dirigjent, dirigjim koral me profesor Kostandin Trakon. (Instituti i larte i Arteve atëherë, sot Universiteti Arteve)
Gjatë studimeve shkruajti një sërë këngësh, më të njohurat janë:Bardhësi, këngë që fitoi vendin e dytë ne Festivalin e 10-të të këngës në RTVSH.
Nuk pranohet në festivalin e 11- të edhe pse kishte pregatitur këngën “Do të mbjell një mollë”.
Krijon këngën për anketën e vitit 1972 “Letër nga nëna”, kënduar nga LINDITA THEODHORI (Sota).
Në festivalin e 12-të mer pjesë me këngën”Kur buzëqeshin fëmijët”, kënduar nga Lefter Agora dhe dubluar nga Niko Vasili.”Mirëmëngjes”, kënduar nga Petraq Zaka.
“Gjelbërim shtatori”, kënduar nga Orhan Zeneli ku mori edhe vendin e parë në anketë.
Këto ishin krijimtari nga jeta studentore.Ka kijuar enkas një këngë popullore për Zina Zdravën, këngën “Fryu Erë e Malit”.
Në vitin 1974 bashkë me kompozitorin Aleksandër Peçi mbron diplomën në Përmet dhe është vlerësuar me notën 10-të, ku në komision ishin të gjithë profesorët e tij, si Kostandin Trako, Çesk Zadeja, Mentor Xhemali i cili ishte dhe interepretues i veprës së shkruar enkas për të në këtë eveniment qeveritar të kohës.Pasi emërohet në 1976 në Ballsh të Mallakastrës ,aty krijoi një ambient shumë të madh artistik me estradën, korin e ansamblit të KPTHN-së, qe ishte një kor professional, në të cilat interpretoheshin përpunimet dhe krijimtari korale të vet kompozitorit Vakthi Sheme. Ky kor mbushte stadiumin e lojrave me dorë të Fierit në atë kohe dhe në Patos, por edhe koncerte në stadiumin e Vlorës.Në jetën artistike të këtij qyteti numërohen 14 festivale të këngës për fëmijë,14 të interpretuesve të rinj, ku në repertor luheshin dhe kendoheshin këngët e festivaleve të RTSH, premiera estrade bëheshin 4 të tilla në vit me krijimtari të re,14 anketa muzikore me tre netë dhe 26 këngë me formacione të ndryshme ku kanë qenë instrumentistë dhe kompozitorë si Aleksandër Vezuli dhe shumë e shumë të tjerë që u shpërndan në atë kohë nëpër Shqipëri.Gjatë kësaj periudhe pasi hoqi dorë nga Festivalet e RTSH-së, shkruajti vepra serioze për kor dhe orkestër si:CantataRondo për clarinet dhe orkestër frymorePjesë për trombë e shoqëruar me orkestër simfonike Ka shkruar shumë këngë për fëmijë si “Jemi stina e Shqipërisë ” pjesëmarrëse në festivalin e këngës për fëmijë Fier Festivali 19-të i këngës për fëmijë Fier “Naftëtar të vegjël jemi”“Dashuri Naftëtare”, kënduar nga Vasilika Stamo dhe Fatos Mane pjesëmarrëse në festivalin e punëtorëve në Patos.Propozohet për emërim në qytetin e Fierit në vitin 1988 dhe nuk pranoi, pasi Ballshi e kishte krijuar atë ambient kulturor dhe civilizim shoqëror dhe nuk ishte më e nevojshme për të lëvizja për në qytetin e Fierit.
