Në pikën e kalimit kufitar në Muriqan janë arrestuar katër shtetas me akuzën, për veprën penale “Trafikimi i lëndëve narkotike”.
Ata tentuan të kalonin kufirin për në Mal të Zi me nje automjet ku u gjet drogë.
Të. arrestuarit janë: Anton Voci, 24 vjeç, banues në Kurbin, Ertjen Hysa 23 vjeç, banues në Kuçovë, Nikola Paravani 22 vjeç, banues në Tiranë, Enver Idrizi 64 vjeç , banues në Shkodër.
Simbas policisë:
“Këta shtetas janë paraqitur në PKK Muriqan, në dalje të RSH-së, me automjetin tip “Benz”, me drejtues shtetasin Enver Idrizi dhe pasagjerë 3 personat e tjerë. Shërbimet e Policisë Kufitare kanë kaluar në vijën e dytë për kontroll më të imtësishëm shtetasit dhe automjetin me të cilin qarkullonin. Si rezultat i kontrolleve fizike që shërbimet e Policisë ushtruan ndaj 4 shtetasve, u gjetën sasi të ndryshme, të ndara në pako, lëndësh narkotike kanabis, ketaminë dhe ekstazi, të cilat, nga veprimet hetimore, rezulton se këta shtetas do t’i trafikonin drejt Malit të Zi”.
Lëndët narkotike, së bashku me automjetin me të cilin këta shtetas qarkullonin, shuma parash dhe 5 aparate celulare, u sekuestruan në cilësinë e provës materiale.
