Duke marrë shkas nga një stemë mbi selinë e PS Dibër, deputeti demokrat Xhelal Mziu, ka bërë ironi, referuar kazmës, pushkës dhe lopatës, mbetur mbi godinën e ish Komitetit Ekzekutiv.
Ja postimi i plotë :
Partia Socialiste Dibër nën Logon: Shqipëria Shkëmb Graniti buzë Adriatikut!
Nuk është sajesë as skup politik, por reale dhe këtë e dinë gjithë dibranët, që sadopak, kanë hedhur sytë te “simboli” i vendosur mbi zyrat e Partisë Socialiste të Dibrës.
Selia e PS-së Dibër, është brenda godinës së ish Komitetit Ekzekutiv të kohës së komunizmit.
Mbi godinë, si një simbol patriotik, është vendosur një “instalacion” i ndryshkur i hartës së Shqipërisë.
Brenda tyre janë montuar veglat e ndërtimit të socializmit ndriçues,(kazëm, lopatë dhe pushkë).
Arti përputhet me filozofinë e asaj kohe: Me pushkë të vras, me kazmë të hap gropën, me lopatë të varros !
Nuk di, nëse të gjithëve ju ka shpëtuar ky detaj, apo krerët e majtë të pushtetit në Dibër i mbeten besnik asaj ideje të kobshme.
S’ka çudi… Sot në qarkun Dibër nuk pushkatohet kush, veç mjerohen dhe arratisen nga toka mëmë.
Dibra antikomuniste nuk pret mirë nga qeveria e bijve të ish nomenklaturës së pushkës, kazmën e lopatës…
Unë sjell faktin, por nuk përbuz as kazmën, as lopatën, pushkën kurrë, por ato duhet të jenë në shërbim të jetës dhe jo të dhunës psikologjike.
Gjejë rastin të kërkoj nga Bashkia Dibër, që të sistemoj urgjentisht me zyra Degën e PD Dibër, mbasi siç kam njoftim nga demokratët, zyrat e mëparshme i janë kthyer pronarit.
Nuk është lutje kjo, por detyrim ligjor i pushtetit vendor për partitë parlamentare.
