Ngjarja e rëndë ka ndodhur në Kinë dhe ka bërë bujë të madhe, pikërisht nga dita që ndodhi fatkeqësia. Teksa për të ndjerin dhe për këdo, martesa është një nga ditët më të shënuara, atë e shënoi shigjeta qiellore.
Një burrë humbi jetën pasi u godit nga një rrufe teksa ishte duke bërë një set fotografik me të dashurën e tij me rastin e fejesës në një zonë të njohur turistike në Kinë.
Mediat vendase, por edhe ndërkombëtare e pasqyruan lajmin sapo u shpërnda.
Mail Daily shkruan se ngjarja tronditëse ndodhi të mërkurën më 24 gusht në malin e dëborës së Jade Dragon të Kinës në provincën Yunnan.
Burri, emri i të cilit ishte Ruan, humbi jetën menjëherë pas goditjes së rrufesë, ndërsa fotografët po fotografonin atë dhe partneren e tij në Spruce Meadow.
Përpara se rrufeja të godiste Ruanin, autoritetet kineze kishin nxjerrë një paralajmërim për qytetarët që të tregonin kujdes për shkak të stuhisë që po afronte.
Pavarësisht paralajmërimit, çifti vendosi të vazhdonte me setin e planifikuar fotografik.
Menjëherë në vendngjarje shkuan bluzat e bardha, gjë e cila shfaqet dhe në fotot e shkrepura në ato momente. Ata shfaqen në foto teksa mbajnë trupin e pajetë të Ruanit, ndërsa vazhdonte të binte shi i furishëm.
