Kështu e ka konsideruar kryebashkiaku i Shkodrës festivalin e skulpturës në rërë që këtë vit u zhvillua në bregdetin e Velipojës.
“Las Art Festival” ishte padiskutim një nga risitë e këtij sezoni turistik në bregdetin shqiptar.
Velipojë jonë, shkruan Spahia, u bë mikpritëse e artistëve vendas, vendeve fqinje dhe Europa.
Personalisht, por edhe institucioni i bashkisë Shkodër do të nxisim aktivitete të tilla promovuese, vazhdon ai, duke falënderuar organizatoren e këtij aktiviteti Beskida Krajën.
Ja postimi i tij në rrjetet sociale:
Velipoja u bë mikpritëse e artistëve nga Europa, Shqipëria e Kosova që na dhuruan me artin e tyre, imazhe të veçanta të skulpturave në rërë.
Ndërsa shijova nga afër punën e artistëve, pata kënaqësinë të ndaja biseda të vyera me to dhe ideatoren e këtij festivali Beskida Krajën.
Folëm për suksesin e këtij edicioni të parë, por edhe objektivin për ta kthyer në një traditë këtë festival, duke e rritur vit pas viti dhe për t’i dhënë dimensionin që Velipoja meriton.
Unë personalisht por edhe institucioni që drejtoj nuk do të kursehemi në mbështetjen e projekteve të tilla që i shërbejnë rritjes së numrit të turistëve dhe promovimit dinjitoz të territorit të Bashkisë Shkodër në botë.
