Kryeministri Edi Rama ka thirrur sot mbledhjen e qeverisë, e cila mendohet se do të mbahet në Dajt ose ndonjë ambient tjetër, por gjithësesi, në rrethina të kryeqytetit.
Mbledhja e qeverisë, menjëherë mbas pushimeve verore dhe në një kohë ku kriza ekonomike është në kulmin e saj, pritet që të ketë vendimarrje për disa çështje të rëndësishme, si për krizën energjetike, turizmin, transportin, shtresat në nevojë, vazhdimi i investimeve në infrastrukturë etj.
Kujtojmë se edhe raportet politike në vend kanë një tjetër intensitet dhe ashpërsi, ku opozita kryesore, PD-ja, pothuajse nuk ka bërë pushime dhe kreu i saj, Berisha, ka qenë në takime të vazhdueshme në Tiranë dhe rrethe.
Në frontin e opozitës është shtuar një tjetër aktor i fortë, Partia e Lirisë së Ilir Metës ka ashpërsuar tonet e luftës politike duke kërkuar zgjedhje të parakohshme dhe betejë radikale në parlament e në sheshe.
