Kontrolli me dron nga ajri zbuloi se në këtë zonë të pyllëzuar, në fshatin Dajç të Shkodrës po kultivohej bimë narkotike narkotike kanabis sativa.
Policia vendosi të ndërhyrje në mbrëmje nga ku operacioni mori emrin “Muzgu”.
Anton Ndreka, 25 vjeç, banues në fshatin Gramsh u kap në kushtet e flagrancës duke ruajtur parcelën e drogës. Marjan Livadhi nga fshati Suka i Dajcit, arriti t’i shpëtojë policisë.
Dy të rinjtë po kultivonin 180 bimë të dyshuara narkotike Cannabis Sattiva të cilat u asgjësuan përmes djegies.
Ajo që bie në sy në parcelë është prania e vazove, çka ngre dyshime se fillimisht bimët narkotike janë kultivuar aty dhe më pas në terren të hapur.
Kjo metodë është hasur edhe në operacione të tjera anti kanabis kryesisht në Shkodër.
Policia ndërkohë thotë se në bashkëpunim me Prokurorinë, po punojnë për identifikimin dhe arrestimin e personave të tjerë, të cilët janë të implikuar në këtë veprimtari kriminale.
Operacionet e Policisë së Shtetit kanë konfirmuar se parcelat e vogla në zonat e thella malore dhe shtëpitë e barit janë kthyer në metodat kryesore të kultivimit të bimëve narkotike në vend.
