Elson Kalaveri, 36-vjeçari shqiptar që u ekzekutua dy ditë më parë, më 18 gusht, në rajonin e Pisa, Itali është një emër i njohur si për policinë italiane ashtu edhe atë shqiptare.
Trupi i tij ishte i mbushur me plumba, ndërsa një dëshmitar ngriti alarmin në zonën e Lagoni del Sasso pranë parkut Fumarole dhe fabrikës së birrës “Vapori di Birra” pas ngjarjes, shkruajnë mediat italiane.
Tre persona, autorë të dyshuar të ngjarjes vijojnë të jenë në arrati.
Elson Kalaveri, banues në Colle Val d’Elsa kishte një histori shfrytëzimi prostitucioni dhe në Shqipëri dyshohet i përfshirë në vrasje.
Kalaveri ra në pritë teksa ndodhej brenda një makine që drejtohej nga një shqiptar tjetër.
Shoferi eci për disa qindra metra dhe u ndal për të kërkuar ndihmë nga drejtuesit e fabrikës së birrës. Për shqiptarin, megjithatë, nuk kishte më asgjë për të bërë.
Janë tre persona në kërkim , të cilët u larguan me një makinë të errët.
Sipas të dhënave të para, fytyrat e tyre ishin të maskuara.
Dëshmitë nga vendi i ngjarjes, drejt Kalaverit u qëllua të paktën 15 herë.
Ai ishte i ulur në vendin e pasagjerit në Mercedesin që drejtohej nga shqiptari tjetër.
36-vjeçari ishte përfshirë në hetime për prostitucion, por nuk ishte dënuar asnjëherë.
Ndërkohë, karabinierët kanë marrë në pyetje dëshmitarin , i cili drejtonte Mercedesin A-Class me targë gjermane të pasme (mungon targa e përparme) në të cilën ndodhej viktima si dhe familjen e 36-vjeçarit.
Pistat ku po heton policia janë larje hesapesh në botën e krimit, ndoshta për arsye krimi ose shfrytëzim prostitucioni.
Nuk përjashtohet as mundësia që të jetë një vrasje e planifikuar.
Por hetimet janë ende në vazhdim dhe kërkimi po vijon për të zgjeruar gamën e veprimit.
