Sipërfaqe mijëra hektarësh me pyje të shkrumbuara, shtëpi të djegura, jetë njerëzore të humbura…
Zjarret masive që përfshin Evropën këtë verë, kanë djegur një sipërfaqe rekord pyjesh prej 700,000 hektarësh deri më tani, sipërfaqja më e madhe ndonjëherë që nga fillimi i regjistrimeve të katastrofave natyrore.
Komisioni Evropian i cili ka bërë dhe vlerësimin, tha se kjo është një ndër verat më të vështira ndonjëherë, dhe sipërfaqja pyjore e djegur, është më e larta që nga viti 2006”.
“Deri më tani, Mekanizmi i Mbrojtjes Civile të BE-së është aktivizuar nëntë herë nga pesë vende. Ne do të vazhdojmë të monitorojmë situatën gjatë gjithë kohës përmes qendrës sonë të koordinimit të reagimit emergjent në Bruksel dhe të mobilizojmë ndihmën e nevojshme”, tha Janez Lenarcic, Komisioneri Evropian për Ndihmën Humanitare dhe Menaxhimin e Krizave.
Zjarret që përfshinë Evropën, dogjën edhe dhjetëra shtëpia dhe morën jetë njerëzish gjithashtu.
