Takim me z.Arben CANI Kryetar i Shoqatës Emigrantëve dhe Lobit Euro Atlantik Shqiptar në Greqi !
Disa nga problemet më shqetësuese të shtetasve shqiptar rezident në Greqi janë:
1.Lehtësimin e proçedurave të nënshtetësisë Greke për shtetasit shqiptar të cilët jetojnë dhe punojnë prej shume vitesh ne Greqi.
2. Kushtëzimi i dhënieve të nënshtetësive me paketën ekonomike vjetore prej 8500 euro e lartë ,është një pengesë e madhe e penalizon mbi 60 % të nënshtetësive, pasi ky ligj është një ligj rracist dhe antikushtetues i të drejtës europiane.
3.Njohja e sigurimeve shoqërore si dhe miratimin e marrjes së pensionit për shtetasit shqiptar të cilët punojnë dhe jetojnë në mënyrë të ligjshme në Greqi.
4.Shqiptarët në Greqi të respektohen në mënyrë të barabartë me shtetasit grek sipas Kartës Europiane të lirive dhe të drejtave të njeriut në BE.
5.Heqja kushteve për brezin e dytë të lindur, rritur dhe shkolluar në Greqi, për të marrë nënshtetësinë greke ,pasi ajo është një e drejtë e tyre dhe ju takon pa shtrëngime apo detyrime burokratike.
6. Ne burgjet greke ndodhen me qindra shtetas shqiptar që mbahen peng dhe nuk gjykohen duke e ditur që janë te pafajshëm, si dhe një pjesë e tyre kanë marrë dënime të pa drejta.
7.Shoqata e emigrantëve në Greqi për këtë pjesë ka kërkuar nga shteti shqiptar si dhe nga BE një përfaqësues ligjor me liçencë europiane juridike, për të hetuar këto dosje, sepse është krim që një i pafajshëm të vuajë dënimin e dikujt tjetër .
8. Një problem shqetësues është që politikat dhe qeveria shqiptare nuk kanë punuar për të mbështetur të drejtat e emigrantëve,por përkundrazi ,permes prapagandës së gabuar kanë arritur të krijojnë një përçarje në komunitet ,duke mashtruar shoqatat me premtime boshe dhe duke i politizuar.
