Ngjarja ka ndodhur mëngjesin e ditës së djeshme, kur u konstatua grabitja e makinës së ministrit të Mjedisit të Kosovës, Liburn Aliu.
Aventura mbaroi shpejt mbasi makina bashkë me hajdutin janë kapur në pikën kufitare të Morinës.
Mediat në Kosovë raportojnë se ka qenë shoferi i ministrit, i cili ka denoncuar vjedhjen e makinës në mëngjes në polici.
Shoferi i ministrit P. Th. kishte deklaruar në polici, se mbrëmë rreth orës 22:30-22:45, ministri Liburn Aliu kishte parkuar veturën e tij zyrtare Audi A3, ngjyrë e zezë me targa zyrtare 3Z-***, në parkingun e kësaj ministrie. Ndërsa, në orët e hershme të mëngjesit, rreth orës 04:30, mësohet se ishte telefonuar edhe përgjegjësi për veturat e kësaj ministrie, B. C. nga ana e Policisë së Kosovës, pasi që në Pikën Kufitare “Qafë e Morinës” ishte ndalur vetura zyrtare e ministrit Liburn Aliu nga ana e zyrtarëve policorë, pas dyshimeve në vozitësin e veturës”, shkruajnë mediat kosovare.
