Në përfundim të vizitës në Kosovë, Presidenti Bajram Begaj, gjatë konferencës për gazetarët, ka qenë i paqartë në lidhje me çështjen e “Open Balkan”.
Kur duhej t’i përgjigjej pyetjes, nga gazetari i RTK-së, për qëndrimin e tij ndaj Ballkanit të Hapur, ai doli me 3 qëndrime të ndryshme brenda 3 minutave, (nga min 15:00 deri në min 18:00).
Përmbledhja e qëndrimeve(përgjigjeve) të tij:
Përgjigja e parë- Ballkani i Hapur nëse do të jetë një iniciativë, i cili do të mbetet siç është përmendur nga Shtetet e Bashkuara të Amerikës në planin gjithëpërfshirës, me të drejtën sovrane të çdo vendi, me pjesëmarrjen e të gjashtë vendeve…
E dyta- Unë jam në atë që çdo iniciativë rajonale, kur ne jemi të gjithë bashkë dhe të gjithë shqiptarët janë bashkë them se duhet të përkrahet. Them se duhet pak kohë. Dhe duhet të marrim kohë.
E treta- Çdo iniciativë rajonale, e cila ka në thelbin e vet përfitime ekonomike dhe direkte të mirëqënies së njerëzve apo të popullit të Kosovës apo të Shqipërisë, unë them se është e mirëpritur….
Dhe pyetja e fundit bëhet nga ne: Cili është qëndrimi juaj Z.President ?
Cilit President t’i besojmë ?
