Kush e harron se “feja e shqiptarit është shqiptaria” dhe kërkon të ktheje femrën shqiptare 150 vjet mbrapa, nuk e bën për bindje fetare aspak. Ndjek strategjinë e qarqeve turko-arabe për ta paraqitur Kosovën si nuk është, enklavë e tyre në Ballkan.
Kam respekt për të gjithë besimet që predikohen ndër shqiptarë në Ballkan, por jo për ata klerikë të cilët shkëputen nga traditat e besimit dhe bëjnë lojën e qarqeve antishqiptare.
Nëse i referohemi Çubrilloviçit dhe Çosiçit, dy strategëve të politikës serbe kundër shqiptarëve, kërkesa e disa klerikëve në Kosovë për mbulimin e femrës shqiptare në institucionet e arsimit publik, shkon në drejtim të këtyre politikave, për ta paraqitur Kosovën në kancelartë botërore të vendimmarrjes siq në fakt nuk është, oaz fetar arab, çka nuk do ta pranonin kurrsesi.
Kthimi i besimit në mjet për qëllime politike të perandorive të vdekura, është ndërmarrje tërësisht e gabuar dhe në dëm të interesit kombëtar shqiptar. Autoritetet e shtetit të Kosovës duhet ti ndalin nisma të tilla që dëmtojnë rëndë imazhin e Kosovës në ballafaqimin ndërkombëtar me Serbinë. Autoritetet fetare të të gjitha besimeve, në themel të aktivitetit të tyre duhet të kenë kombin. Cënimi i laicitetit të shkollës shqipe është njëlloj si politikat e shekullit të 19-të për mos lejimin e shkollave shqipe, politikë shkombëtarizuese, si ajo që ka nisur në Maqedoninë e Veriut, ku po ndiqet politika e deklarimit turq të shqiptatëve dhe që ka shqetsuar sëtepëri kancelaritë kryesore të Europës. Vetëm qeveritë e partitë tona nuk shqetësohen.
Islami shqiptar, ashtu si e kanë predikuar gjyshërit e
stërgjyshërit tanë, është më i miri në botë. Nuk kemi pse e ndryshojmë këtë traditë.
Qeveria Kurti, Parlamenti i Kosovës, intelektualët e saj, duhet të përballen me tendencën ultrafetare të disa hoxhallarëve të shkolluar në vendet arabe. Për të mirën e Kosovës…sot, nesër do jetë vonë, shumë vonë.
Shënim: nuk lejohen dhe do fshihet çdo koment që fyen besimet tona.- autori
