Shpërthimi me tritol ka ndodhur në Orikum të Vlorës rreth mesnatës së të premtes.
Policia njofton se lënda plasëse ishte vendosur në një kamion të parkuar në pronësi të 53-vjeçarit me iniciale A.C.
Nga kjo ngjarje ka vetëm dëme materiale ndërkohë që uniformat blu ndodhen në vendin e ngjarjes dhe po punojnë për zbardhjen e rrethanave të saj si dhe kapjen e autorit.
Njoftimi:
Më datë 12.08.2022, rreth orës 23:30, në fshatin Tragjas, Orikum, në një mjet kamion, të parkuar, në pronësi të shtetasit A. C., 53 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
