Një superjaht me vlerë 24 milion euro (20 milion paund) është përfshirë nga flakët në brigjet e një ishulli spanjoll.
Ai ishte në pronësi të një shefi kompanie e cila vlerësohet 400 milion paund
Anija 45 metra e gjatë u përfshi nga zjarri pasditen e së enjtes në Cala Saona, në perëndim të ishullit mesdhetar të Formentera.
Pronari kishte vetëm një muaj që e e kishte marrë në zotërim.
Rojet bregdetare spanjolle dërguan dy varka shpëtimi në zonë pasi nëntë pasagjerët dhe shtatë anëtarët e ekuipazhit në bordin e Aria SF braktisën anijen pas një telefonate në Mayday dhe një tentative të dështuar për të shuar zjarrin.
Tymi i zi që shkaktoi zjarri mund të shihej deri në ishullin fqinj të Ibizës.
Pronari i superjahtit është identifikuar si Paolo Scudieri.
61-vjeçari është kryetar i prodhuesit të komponentëve të brendshëm të makinave Gruppo Addler, i cili u themelua nga babai i tij Achille në vitin 1956, dhe vlera neto e kompanisë vlerësohet të jetë rreth 410 milionë paund
Superjahti që u përfshi nga flakët, kishte një pishinë, pesë dhoma gjumi dhe një palestër dhe do të bënte debutimin e tij zyrtar në Festivalin e Jahteve në Kanë, këtë vit.
Po vijojnë hetimet për të zbuluar shkaqet e zjarrit.
