Mario është një djalosh shqiptar, që ka lindur në Greqi dhe tashmë ka mbaruar gjimnazin në Kasandra, gati 90 km larg nga Selaniku.
Familja e Marios, është nga Vithkuqi i Korçës dhe janë vendosur në Halkidiki.
Sigurisht që për këdo që dëgjon toponimin Halkidiki, i shkon mendja te plazhet elitare dhe të shtrenjta, por jo gjithçka është si në gazeta, këtu mund të pushojnë edhe familje me të ardhura mesatare ose modeste. Greqia të krijon mundësi të tilla.
Le të kthehemi te Mario…
Mario punon te resorti “Kaliva” dhe ma dielloi ditën që e takova.
Ai punon gati 10 orë në ditë dhe paguhet 40 euro.
Nuk ka asnjë kompleks në punën që kryen, as ndroje për t’u fotografuar.
E pse ?- thotë, unë punoj të mbledh lekët, do filloj universitetin në “Aristotel”, në Selanik dhe çdo verë do punoj.
Mario Naçi është një korçar tipik, i qeshur dhe me humor, vij te gjyshja- thotë- se më pëlqejnë petkat, por edhe Shqipëria.
Veç se Mario kishte një të “metë të vockël”, ishte demokrat.
O Mario, po pse je i djathtë ?- e pyes, nuk e di mirë, më tha, por babi dhe daja, mendojnë se Nea Dhimokratia punon më mirë se PASOK.
Unë qesh me përgjigjen e Marios dhe e dua atë djal shqiptar.
Meqë jemi në plazh…
Këtu, ku jemi vendosur, e vërteta është se shtëpia që kemi marrë me qera është dy herë më lirë nga çdo plazh në Shqipëri.
Këtu, ku bëjmë plazh, nuk paguajmë çadër apo sheslong, mjafton kafja që marrim.
Këtu, ku bëjmë plazh, nuk paguajmë parking për makinën dhe nuk di pse nuk na bërtet kush.
Mario, djaloshi 18 vjeçar shqiptar, më nxiti të shkruaj këto radhë.
Mario, lum prindërit për djalin që kanë edukuar, Mario na nderon.
