Në orët e para të mëngjesit të datës 10.08.1988, ndërkohë që në të gjitha vendet komuniste, regjimi diktatorial komunist kishte filluar të jepte shpirt, në Kukës, klika e mbeturinave enveriste ekzekutoi me varje mësuesin dhe poetin disident Havzi Nela.
Në Kukës thjesht ishte ngritur trekëndëshi pasi ekzekutorët e vërtetë ishin në Tiranë, pjellë e keqe e regjimit komunist, etër të neobllokmenëve të rinj që sot mjerisht po drejtojnë Shqipërinë.
Vendimin e gjyqtarit Fehmi Abdiu e noterizoi me shumë kënaqësi dhe mllef komisioni byroist përfaqsuar nga Kristaq Rama e të tjerë sadistë me kravata të zeza e duar të lyera me gjak.
Por, pse në Kukës, përse Havzi Nela?!
Këto pyetje morën përgjigje shpejt.
… sepse karakteri i fortë i malësorëve lumjanë duhej të mbahej nën kontroll me çdo mjet, qoftë edhe litari.
… fjalët therëse të Havzi Nelës (fatmirësisht të ruajtura në rrënjët e mollës) ishin të padurueshme nga diktatura ndaj këto fjalë duheshin varur në litar.
Më 10 Gusht regjimi komunist shqiptar na vrau mësuesin e dashur dhe shume të devotshëm, vari në litar poetin disident, vuri në litar Fjalën, por tashmë ne kemi të gjallë një MARTIR të fjalës së lirë e ai është poeti i lirisë Havzi Nela!
Në kujtim të jetës dhe veprës së këtij martiri, Partia Demokratike Dega Kukës me datë 10.08.2022 do të bëjmë një aktivitet përkujtimor me këtë axhendë:
Ora 09.30 vendosje e kurorave tek busti i Havzi Nelës përballë Gjimnazit
Ora 10.15 reflektim me heshtje në vendin e varjes së Havzi Nelës (tek ish agjencia)
Më pas rreth orës 12.30 vizitë në shtëpinë dhe fshatin e lindjes Kollovoz!
Ftojmë qytetarët kuksianë të marrin pjesë në këtë përkujtimore, pasi harresa e vret demokracinë.
Duke kujtuar Havzi Nelën kujtojmë përpjekjet, dramën dhe luftën e shqiptarëve për liri-demokraci.
Zoti i bekoftë njerëzit e lirë!
Lavdi përjetë Martirit të fjalës së lirë Havzi Nela!
