Loja me keqmenaxhimin që fsheh mafien e bregut!
Ndaluni pak mbi termin keqmenaxhim! Ç’a përfaqëson këto 4 ditë? Pertypeni kadalë, e mos e kaloni poshtë siç ua japin!
Se herët a vonë ka me ua zanë frymën, sidomos ju që e bani me vetëdije për trullosjen e situatës së randë kriminale që fshihet mas këtij termi që përdorin pushtetarët me kamuflue mafien e bregut!
Ndaluni pak e merrini me radhë zonat e bregut; nga Velipoja e deri ne Sarandë, po të doni e shtrijmë vështrimin deri në Ulqin, atje ku vjet u rrëmbye dhe u ekzkeutue shefi i antidrogës së atjeshme!
Kush e sundon bregun?
Në dijeninë tuj, a ka një njeri të ndershëm që ka guxue me hy e me mbijetue në vijën bregdetare tonën?
Veç nja ma gjeni!
Ska!
Sepse vija jonë bregdetare asht projektue tash sa kohë si pika e kufinit të mafies!
Aty bahen shkëmbime, pengmarrje, ekzekutime! Bahen nisje mallrash, e priten kokaina, armët dhe lekët e ndërtimeve e të blerjes së votave!
Bregu jonë asht i mafies që sod asht shtet, qeveri, kushtetutë e ligj!
Nuk asht keqmenaxhim, asht mirëmenaxhim i tyne! Kasnecët e policisë e kto përrallat e tjera që kërkoni ju nëpër togfjalëshat vërdallisës të Ramës janë thjeshtë mbulojë e gjithë grupeve mafioze që jetojnë me bregun e në bregun tonë!
Harruet se na u vranë vjet katër vetë, në Velipojë?
Po ndërsa kishte ndodh masakra, e harruet statusin e Edvinit për Velipojën?
Po masakrën e Durrësit që bani piktori, mik i rilindjes në Golem e harruet, me dy të dekun?
Po droga a dini gja kah ka me kalue?
Po kur iu ulën radarët Durrësit, që presupozon nji vend anëtar të NATO-s, si mendoni ju se mundeni me hy në bregun ku kalojnë e sundojnë këta?!
Për ç’keqmenaxhim flitet, apo se çuni i policise gaboi në atë manovër, e prishi nji linjë të liçensueme nga qeveria tash sa kohë?!
Të dashtun shqiptarë, ju që hala e mendoni bregun për pushime, hapni sytë e mos rrini shumë atyne anëve!
Nuk iu përket ju ajo pjesë e vendit si shumëçka tjetër!
Bregu asht i mafies!
Vs: kto makinat patën mbet nji vit ma parë në dëtin e Vlorës …..
