Ministrja Mirela Kumbaro, u ka shprehur mirënjohjen gjithë punonjësve të Zonave të Mbrojtura që këto javë po luftojnë me zjarret.
Një model, shkruan ajo, që ju kundërvihet abuzuesve dhe shkelësve të ligjit.
Ja postimi :
Mirënjohje për gjithë kolegët e Zonave të Mbrojtura që prej javësh tashmë i janë bashkuar pa asnjë hezitim ekipeve të ushtrisë, zjarrëfikseve dhe emergjencave civile, duke sakrifikuar çdo ditë në terrene tejet të vështira nga Parku i Alpeve në veri deri në Llogara në jug për të shuar vatrat e zjarrit që rrezikojnë hektarë të tëra me pyje dhe monumentet e natyrës!
Një punë e heshtur, por e përditshme në shërbim të natyrës dhe pasurive tona të përbashkëta 🍃☘️ Një model që me veprime e me sakrificë i kundërvihet dashakeqësisë të abuzuesve dhe shkelësve të ligjit që s’u dhimbset dora t’u vënë flakën pyjeve
Faleminderit 🙏🏻
