Një zjarr i madh ka përfshirë kodrat mes Gosës dhe Rrogozhinës.
Abcnews.al njofton se në kodrën ku ka rënë zjarri janë disa hektarë me ullinj të cilët janë përfshirë nga flakët.
Zjarri është i përmasave të mëdha dhe po rrezikon edhe banesat që ndodhen aty pranë.
Ndërkohë në vendngjarje kanë mbërritur forcat zjarrfikëse të cilat po punojnë për fikjen e flakëve por terreni është i vështirë dhe kufizon mundësitë e ndërhyrjes efektive.
Në ndihmë të forcave zjarrfikëse kanë shkuar edhe banorët e zonës të cilët po mundohen të shuajnë flakët.
