Katër persona janë plagosur rëndë pasi u goditën nga rrufeja pranë Shtëpisë së Bardhë.
Dy burrat dhe dy gratë e lënduar ishin në Lafayette Park në Uashington DC, kur u goditën nga një stuhi e ashpër, thanë oficerët e zjarrfikësve.
Për shkak të afërsisë së parkut me selinë e Presidencës Amerikane, anëtarët e shërbimit sekret ishin ndër personat e parë që ndihmuan viktimat, identiteti i të cilëve ende nuk është konfirmuar.
Rrufeja goditi katër personat pranë një peme afër gardhit që rrethon kompleksin e Shtëpisë së Bardhë të enjten në mbrëmje.
“Të katër kanë lëndime kritike, të rrezikshme për jetën. Ne ishim në gjendje të trajtonim dhe transportonim shpejt të katër pacientët në spitalet e zonës”, thanë zyrtarët e policisë.
Autoritetet nuk kanë vërtetuar nëse të lëndurët e njihnin njëri-tjetrin dhe çfarë po bënin para goditjes së rrufesë.
Pas incidentit, një pjesë e parkut mbeti e mbyllur, me shërbimet e urgjencës në vendngjarje.
Shërbimi Kombëtar i Motit kishte lëshuar një paralajmërim për stuhi në këtë zonë mbrëmjen e së enjtes.
