Policia e Fierit ka vijuar aksionin në plazhe, me qëllim lirimin e hapësirave publike për pushuesit.
Janë sekuestruar 169 çadra dhe 338 shezlongë.
Policia bënë me dije se referuan materialet në Prokurori dhe nisi procedimi penal, për shtetasit Sh. G., 45 vjeç; E. G., 30 vjeç, të dy banues në Fier dhe M. K., 29 vjeç, banues në Divjakë.
Gjithashtu, gjatë kontrollit të vijës bregdetare, në plazhin e Darëzezës, në breg të detit u gjet një mjet uji tip gomone, i cili u dërgua në Stacionin e Policisë Kufitare Hoxharë, për verifikimin e dokumentacionit dhe identifikimin e pronarit. Nga kontrolli i mjetit lundrues, nuk u gjet asnjë send i kundërligjshëm.
Materialet i kaluan Prokurorisë, për veprime të mëtejshme procedurale.
