Shteti!
Ma mori pronën e babait, më dhunoi më keq se shteti diktatorial!
Ma mori bregun, rërën dhe detin, ua dha të fortëve që t’më zhvasin sa herë unë dua të shkojë në plazh!
Unë duhet të hesht, se i forti edhe mund t’më vrasë me skafin e tij!
Shërbimin publik në administratë, s’ma jep pa kaluar në peripeci!
Mjekët, infermierët, portierja, të shbirojnë me vështrim, derisa ti kupton se duhet të paguash dhe se ata janë aty fix si taksidarë për t’u dhënë atë që s’ua ke borxh!
Në rrugë makina luxose kalon pa respektuar rregullat, duke qënë e bindur,se rruga është vetëm e e saj, e unë sërish duhet të hesht!
Shteti i të fortëve!
Pse më duhet ky shtet?!
Unë nuk dua shtetin e të fortëve!
Unë dua shtetin e fortë, që me forcën e ligjit t’u thyejë turinjtë të fortëve, duke më dhënë edhe mua, të dobtit të drejtën të jetojë normalisht në vendin tim!
Nëse e kam gabim, unë qenkam i çmenduri mes jush!
Ju kërkoj ndjesë për çmendurinë time!
Të dobët si unë!
Bëhuni bashkë e thyeuani turinjtë shtetit të të fortëve dhe vetë të fortëve, e zgjidhni shtetin e fortë, që u jep mundësinë juve të jetoni pa frikën e të fortëve!
