Sot ushqimet janë 7 deri 10% më shtrenjtë se në BE
Kreu i PD, Sali Berisha, gjatë takimit me intelektualët në Vlorë me temë “turizmi në rrezik”, hodhi akuza në drejtim të qeverisë se po rrënon turizmin dhe Shqipërinë. Berisha theksoi se, shkaku kryesor nuk është pandemia, por më e keqe se pandemia është politika që ndjek kjo qeveri.
Nuk është pandemia, por më e keqe se pandemia është politika që ndjek kjo qeveri. Dëgjoj qytetarë që nuk shkojmë në jug sepse na kushton nafta më shumë se një biletë easyjet. Njëri më thotë për të shkuar në Dhërmi më shkon 130 mijë lekë. Çmimet mund të jenë më të shtrenjta se sa arsyeja, por harrohet se po këta operatorë vjet kishin çmime të tjera. Sot këtu ushqimet kushtojnë 7-10% më shtrenjtë se në BE. Kjo është e dhënë statistike e EUROSTAT. Të shtrojmë një pyetje: A ka marrë një masë kjo qeveri për të lehtësuar turizmin në këtë periudhë? Çfarë fondesh ka angazhuar për të ndihmuar operatorët turistikë këtë verë që duket se është me probleme? Asgjë. Po e rrënon vjedhja turizmin dhe Shqipërinë”, tha Berisha.
Kryetari i PD, Sali Berisha ka ngritur alarmin se turizmi po falimenton dhe se bregdeti është boshatisur si asnjëherë më parë.
Ai theksoi se, ‘ata që investuan mundin dhe djersën e tyre në kapacitete turistike, këtë vit, shumë prej tyre mendojnë si t’i shesin, si të shpëtojnë nga falimentimi dhe barra e tyre’.
