Alina prej vitesh përflitet si e dashura e presidentit rus, Vladimir Putin.
Mediat përherë kanë shkruajtur turp që ajo është nëna e fëmijëve të Putin.
Kabaeva është sanksionuar nga Departamenti i Thesarit në SHBA si pjesë e personave të afërt pranë kreut të Kremlinit dhe drejtuese e disa institucioneve në Rusi.
Kabaeva bën pjesë në seksionin e elitës ruse sipas ndarjes që Departamenti i Thesarit bën dhe i njëjti efekt i sanksioneve amerikane do të jetë i vlefshëm edhe për Bashkimin Evropian, si edhe Mbretërinë e Bashkuar.
Ish-gjimnastja ruse përshkruhet në arsyetim si një ish-anëtare e Dumës shtetërore në Rusi. Ajo ka qenë zyrtare e lartë shtetërore në Qeverinë e Federatës ruse dhe si e tillë, është e sanksionuar nga organi i lartë amerikan.
“Kabaeva ka një lidhje shumë të ngushtë me Putinin dhe aktualisht ajo është drejtuese e Grupit të Medias Shtetërore, një perandori e vërtetë mediatike, e cila gjendet pranë Kremlinit në ideologji.
Në të, përfshihen edhe disa radio si edhe gazeta të shtypura.
Sanksionimi i Kabaevës përfshin bllokimin e pronave në SHBA, BE dhe MB, si edhe pamundësimin e çdo transaksioni bankar në vendet e perëndimit.
Personat që kryejnë transaksione bankare në llogaritë e Kabaevës po ashtu do ta kenë të pamundur këtë gjë.
