Mbrëmë u konfirmua përsëri:
Rajonit nuk i duhet një “Ballkan i hapur” Vucician, por një Ballkan Europian.
Aspak e pa pritur ajo çfarë ndodhi mbrëmë në veri të Kosovës.
Një gjendje e paralajmëruar prej një retorike të gjatë agresive, provokacionesh jo vetëm e muajve të fundit, të Vucic ndaj Kosovës e stabilitetit të Rajonit.
Një gjendje e krijuar nga sinkronia serbe me mentalitetet ruse përballë Ukrainës e Europës Lindore.
Serbia nuk e pranon as reciprocitetin e domosdoshëm e minimal me Kosovën, as për targat!
Sepse ajo e percepton atë si një “koloni” të saj.
Prandaj Vucic nuk lejon të diskutohet për genocidin serb ne Kosovë e Rajon, edhe në Kuvendin e Shqipërisë kjo, jo me të pranohet ky, apo ai të kërkojë falje si një sinjal për një mentalitet të ri.
Dhe pastaj Rama&Co vazhdon të trumbetojnë “Ballkanin e hapur” të Vucicit, që sic u tregua dhe dje bazohet vetëm mbi filozofinë e “Jugosllavisë së Re”.
Ndërsa mbrëmë, kur duhej të ishte i pari që të prononcohej, ai heshti si “fija e barit”!
Rajonit tone i duhet implementimi i parimeve, mentaliteteve, vlerave europiane e perëndimore si garanci për stabilitetin e paqen e tij, për të nesërmen në Europën e Bashkuar.
Kjo gjë, bashkëpunimi i domosdoshëm e i vërtetë rajonal, mund të realizohet vetëm mbi këto parime, të implementuara nëpërmjet projekteve të BE.
Projektet vuciciane të çojnë në konflikte dhe te kthejne drejt Lindjes.
Kujdes….
