Qeveria e Kosovës ka vendosur të shtyjë për më 1 shtator 2022, aplikimin e dy vendimeve të datës 29 qershor lidhur me reciprocitetin targave dhe dokumentave me Serbinë.
Ky vendim vjen pas kërkesës së Bashkimit Evropian të mbështetur nga Shtetet e Bashkuara të Amerikës, pas tensioneve në veri dhe bllokimit të pikave të kalimit kufitar në Bërnjak dhe Jarinjë.
Kryeministri Kurti reagoi lidhur me këtë vendim, ndërsa tha se ishte një vendim që u mor në bashkëpunim me aleatët.
“Në bashkëpunim me aleatët tanë ndërkombëtar, ne u zotuam të shtyjmë implementimin e vendimeve për targat dhe dokumentet për hyrje/dalje në pikat kufitare me Serbinë për 30 ditë”, shkroi Kurti.
Kjo lëvizje e qeverisë së Kosovës e ka një kusht detyrues për palën Serbe: Tërheqjen e gjithë barrikadave dhe lirimin e rrugëve.
