Një këshillë, si sirenë alarmi…
Sanchez, kryeministri spanjoll, ndodhet për vizitë zyrtare në Ballkan dhe teksa vazhdon takimet në kuadër të agjendës së tij, nuk ka lënë pa kujtuar kryefjalën e shqetësimit botëror, “Energjinë”
“Dëshiroj që të vini re se nuk kam kravatë”. Kryeministri spanjoll Pedro Sanchez i befasoi gazetarët që morën pjesë në konferencën e tij për shtyp dhe të gjithë vunë re jakën e këmishës së tij të bardhë të zbërthyer nën kostumin blu.
Një shembull personal, i tij, drejtuar të gjithë nëpunësve spanjollë, por jo vetëm, gjithë atyre që duhet të japin një kontribut të vogël për të përballuar krizën energjetike të shkaktuar nga lufta në Ukrainë.
Në këtë rast, heqja e kollares nënkupton më pak nxehtësi në trup, më pak energji ftohëse e nevojshme.
“Kur nuk është rreptësishtë e nevojshme, do të doja që të mos vishni kravatë”, sepse “kjo do të thotë se ne të gjithë mund të kursejmë energji”, vazhdoi Sanchez, i cili tha se tashmë i kishte bërë të njëjtin thirrje ministrave, parlamentarëve dhe administratës publike, drejtuesve por edhe sektorit privat, që nga menaxherët e kompanive, që të bëjnë të njëjtën gjë, duke e imituar atë në këtë gjest të vogël, në kohën kur në Gadishullin Iberik janë regjistruar temperatura prej 45 gradësh.
Këshilla e tij për kollaren nuk është një simbolikë, por duhet konsideruar si një sirenë alarmi për gjithë evropën, për çfarë e pret në vjeshtë dhe dimër, në lidhje me energjinë dhe ndoshta edhe për drithërat, shkak i luftës Rusi – Ukrainë.
