Sistemi ynë shëndetësor duhet të paralajmërojë opinionin:
Meshkujt gay dhe biseksual janë burim kryesor përhapje i Lisë së majmunit!
Kjo është një e dhënë zyrtare e deri tanishme jo vetëm e qeverive të ndryshme, por dhe e OBSh, që po artikulohet gati çdo ditë pikërisht për të marrë masat parandaluese.
Një tërheqje e tillë vëmendje nuk prek të “drejat e njeriut” për asnjë komunitet, as të atij të homoseksualëve, përkundrazi i mbron ata dhe shoqërinë në tërësi nga një infektim i mundshëm.
Kjo është një detyrë e çdo sistemi shëndetësor edhe e tonit, që duhet ta bëjë pa komplekse, jashtë presioneve, është pjesë e transparencës së domosdoshme parandaluese.
Sipas OBSh, 99% e të prekurve me këtë virus janë burra dhe së paku 95% e këtyre pacientëve janë burra që bëjnë seks me burra të tjerë.
Unë nuk e kuptoj pse Ministria jonë e shëndetesise, grupi i punës i krijuar për t’ju kundërvënë këtij infektimi, ndaj të cilit tashmë OBSh ka ndezur “dritën e kuqe”, nuk thotë asnjë fjalë për këtë konstatim të rëndësishëm.
Ashtu si po vepron edhe OBSh, organizmat tona përkatëse shëndetësore duhet të bëjnë publike këto të dhëna, duke i shoqëruar edhe me këshillat e veçanta për të minimizuar përhapjen e atij infeksioni si dhe mbrojtjen ndaj tij.
Mbrojtja e shëndetit të qytetarëve është një “fushë ” shumë e gjerë e komplekse, pjesë e së cilës është edhe komunikimi transparent, direkt, shpjegues me ata.
Kjo duhet të jete dialoguese-sqaruese, 
realiste, pa komplekse, pa tabura dhe me profesionalizëm të pa influencuar nga interferenca censuriale primitive, si pa fshehje të konstatimeve, ashtu dhe pa eksese ekstreme të rrezikshme.
E paguam dhe vazhdojmë akoma ta paguajmë shumë shtrenjtë atë “fushatë ” anormale, që kjo Qeveri realizoi ndaj Covid….
*Titulli është redaksional
